“FINCA Azerbaijan” bir ildə 2 milyon 612 min AZN xalis mənfəət əldə edib – Hesabat

26.05.2022,15:36


26 may, Fineko/abc.az. “FINCA Azerbaijan” QBKT 2021-ci il ərzində 2 milyon 612 min AZN məbləğində xalis mənfəət əldə etməklə, şirkətin son illər ərzində malik olduğu müsbət yönlü gəlirlilik tendensiyasını qoruyub saxlaya bilib.

ABC.AZ xəbər verir ki, bu barədə QBKT-in maliyyə göstəricilərində qeyd edilib. Məlumata görə, 2021-ci il ərzində “FINCA Azerbaijan” təşkilatı əksəriyyəti kənd yerlərində yaşayan müştərilərə 42 milyon AZN məbləğində yeni kreditlər təqdim edib və bununla da özünün kredit portfelini 62%-ə kimi artırıb.

Ölkə üzrə müxtəlif bölgələrdə əlavə filialların yaradılması da biznesdəki bu artıma öz töhfəsini verib.

“FINCA Azerbaijan” 2022-ci il ərzində də öz əməliyyatlarının effektivliyini artırmağa davam etməyi və cari ildə regional filialların sayını 22-dən 28-yə çatdırmağı planlaşdırır.

Müəllif: Elmir Murad