AMEA barədə 1 milyon manatlıq iddia qaldırıldı

10:30 - 27.05.2022


27 may, Fineko/abc.az. Milli Elmlər Akademiyası barəsində 1 milyon manatlıq məhkəmə iddiası qaldırılıb.

ABC.AZ Modern.az-a istinadən xəbər verir ki, dövlət qurumunu məhkəməyə verən "Campus Of Scientist" MTK-dır.

Tərəflər arasında podrat müqaviləsi üzrə mübahisə yaranıb.

Kriminalqafqaz-ın məlumatına görə, iddiaçı şirkət bildirir ki, AMEA üçün tikinti işləri aparıb, lakin görülən işin müqabilində onlara pul ödənilməyib.

MTK müqavilə üzrə AMEA-nın 1 milyon manatdan çox borcu qaldığını iddia edir.

Bundan başqa tikinti ərazisində şirkətə məxsus bir sıra avadanlıqların qaldığını və həmin avadanlıqların qaytarılmadığı bildirilir.

"Campus Of Scientist"in iddiası Bakı Kommersiya Məhkəməsinin icraatına götürülüb. Cavabdeh qismində AMEA-nın İşlər İdarəsi tanınıb.

Məhkəmənin hazırlıq iclası iyunun 6-a təyin olunub. İddiaya hakim Leyla Əliyevanın sədrliyi ilə baxılacaq.

Bütün xəbərlər