“QAZAQ AIR” Bakıdan Qazaxıstanın şəhərlərinə yeni reys açır

24.06.2022,16:06

24 iyun, Fineko/abc.az. İyulun 7-dən “QAZAQ AIR” yeni Aktobe - Bakı - Aktobe və Nur-Sultan - Bakı - Nur-Sultan (Aktobe vasitəsilə tranzit) marşrutları üzrə müntəzəm reyslər həyata keçirməyə başlayacaq.

ABC.AZ xəbər verir ki, şirkətin məlumatına görə, uçuşlar Kanada istehsalı olan yeni nəsil “De-Havilland Dash 8-Q400” 86 sərnişin yeri tutumlu təyyarə ilə həyata keçiriləcək.

Məlumata görə, səyahət vaxtı 2 saat olacaq. Uçuşlar həftədə 2 dəfə (cümə axşamı və bazar günləri) həyata keçiriləcək. Biletlərin dəyəri 205,2 manatdan (57 000 tenge) başlayır.

“Qazaxıstan və Azərbaycan arasında yeni hava əlaqəsi təkcə iqtisadi əməkdaşlığı gücləndirməyəcək, həm də iki ölkə arasında turizmin inkişafına töhfə verəcək”, - “QAZAQ AIR”in kommersiya direktoru Süleyman Mirzəyev bildirib.