ABŞ Rusiya qızılının idxalına qadağa qoyub

29.06.2022,10:38


29 iyun, Fineko/abc.az. ABŞ administrasiyası Rusiyanın müdafiə sənayesini hədəf alan yeni sanksiyaları açıqlayıb.

ABC.AZ xarici mətbuata istinadən xəbər verir ki, rəsmi Vaşinqton sanksiyalar çərçivəsində Rusiya qızılının idxalına qadağa qoyub.

ABŞ hökuməti Rusiyanın müdafiə, sənaye, texnologiya və istehsal sektorlarının təməl daşı olan dövlət qurumu Rostec də daxil olmaqla, Rusiya müdafiə sənayesi üçün kritik əhəmiyyətə malik 70 təşkilat və 29 şəxsin sanksiya siyahısına salındığı bildirilib.

Qeyd edək ki, Rostec-in idarəçiliyində müxtəlif sektorlardan 800-dən çox təşkilat var.

Müəllif: Elmir Murad