10:14 - 5.07.2022

---

5 iyul, Fineko/abc.az. Neftin etalon markalarının qiymətləri çərşənbə axşamı ticarətində artmaqdadır.

London ICE Futures birjasında saat 09:30-da Brent neftinin sentyabr fyuçersləri $0,14 (0,12%) - barrel başına $113,64-a qədər bahalaşıb. 4 iyul ayının ticarətinin nəticələrinə görə, Brent neftinin sentyabr fyuçersi $1,87 (1,68%) - barrel başına $113,50-ə yüksəldi.

Nyu-York əmtəə birjasının (NYMEX) ticarətində WTI neftinin avqust fyuçersləri saat 09:30-da  $1,79 (1,65%) - barrel başına $110,22-ə yüksəldi. Bazar ertəsi NYMEX-də ticarət ABŞ-da həftə sonları Müstəqillik Günü bayramı ilə bağlı  həyata keçirilməyib, cümə günü ticarətin bağlanması zamanı müqavilələrin dəyəri $2,67 (2,5%), barrel başına $108,43-ə yüksəldi.