Gəncədə azalan və artan kənd təsərrüfatı malları - Siyahı

05.07.2022,12:07


5 iyul, Fineko/abc.az. 2022-ci ilin yanvar-may aylarında Gəncə şəhərində kənd təsərrüfatının vəziyyəti haqqında məlumatlar açıqlanıb.

ABC.AZ Gəncə Statistika İdarəsinə istinadən xəbər verir ki, 2022-ci ilin məhsulu üçün 61,2 hektar kənd təsərrüfatı bitkiləri əkilmışdir ki, onun da 29,0 hektarını dənlilər və dənli paxlalı bitkilər, 32,2 hektarını tərəvəz bitkiləri təşkil edib.

Əvvəlki ilə nisbətən kənd təsərrüfatı bitkilərinin əkin sahəsi dəyişməz qalıb. 2022-ci ilin məhsulu üçün əkilmiş 61,2 hektar sahə ev təsərrüfatlarına aid olub. Hesabat dövründə meyvə bağlarından və giləmeyvəliklərdən 95,0 ton meyvə və giləmeyvə toplanıb.

Gəncə şəhərində 2022-ci ilin  yanvar-may aylarında heyvandarlıq bölməsində 27,2 ton ət diri çəkidə, 169,3 ton süd, 179 min ədəd yumurta, 2,8 ton yun istehsal edilib. Keçən ilin müvafiq dövrünə nisbətən süd istehsalı 89,3 ton (34,5 faiz), ət istehsalı8,6 ton (24,0 faiz), yumurta istehsalı 117 min ədəd (39,5 faiz) azalıb, yun istehsalı isə 0,8 ton (40,0 faiz) artıb.