MİDA vergi borcu olan şirkəti qalib etdi

07.07.2022,10:15


7 iyul, Fineko/abc.az. Mənzil İnşaatı Dövlət Agentliyinin (MİDA) proqram təminatlarının satın alıması ilə bağlı bir müddət əvvəl elan etdiyi tenderə yekun vurulub.

ABC.AZ xəbər verir ki, tenderin qalibi "Farah Innovations" MMC seçilib. MİDA 18 proqram təminatı üzrə bir illik lisenziya və abunələrin alınmasına 191 859 manat ödəyəcək.

Qeyd edək ki, sözügedən şirkət - "Farah Innovations" MMC-nin 15 983 manat cari vergi borcu yaranıb.

“Dövlət Satınalmaları haqqında” Qanunun 6.2.5-ci maddəsinin tələbləri isə vergi borcu olan şirkətlərin nəinki qalib seçilməsini, tenderdə iştirakını belə istisna edir.