“AZPROMO” və “KazakhExport” Anlaşma Memorandumu imzaladılar

17:09 - 23.05.2018


23 may, Fineko/abc.az. Azərbaycanda İxracın və İnvestisiyaların Təşviqi Fondunun (AZPROMO) və  ”KazakhExport” İxrac Sığorta Şirkəti” SC Anlaşma Memorandumu imzaladılar.

AZPROMO məlumat verir ki, Memorandum, Fondun dəstəyi ilə Bakıda keçirilmiş Azərbaycan-Qazaxıstan  biznes forum çərçivəsində imzalanıb.

“Memorandum iqtisadi əməkdaşlığın inkişafı, sahibkarlığın dəstəklənməsi, ticarət və biznes sahələrində müntəzəm təcrübə mübadiləsi, hər iki ölkənin iş adamları arasında əməkdaşlığın genişləndirilməsi və yeni əlaqələrin təşkili nəzərdə tutulur”, - məlumatda belə deyilir.

Məlumatda  deyilir ki, forumun işində kənd təsərrüfatı, qida sənayesi, konsaltinq, tikinti, əczaçılıq və digər sahələrdə fəaliyyət göstərən 50-dən çox sahibkar iştirak etmişdir.

 

Bütün xəbərlər