12:56 - 25.09.2018

---

25 sentyabr, Fineko/abc.az. Azərbaycan Banklar Assosiasiyasının (ABA) yeni vitse-prezidenti təyin olunub.

ABA-dan verilən məlumata əsasən, Rəyasət Heyətinin iclası gedişatında, yeni vitse-prezidenti, “Azərbaycan Beynəlxalq Bankı” ASC-nin İdarə Heyəti sədri vəzifəsini icra edən Abbas İbrahimov seçilib. 

O, bu vəzifədə ABA-nın keçmiş  İdarə Heyəti sədri Xalid Əhədovu əvəz edəcək.

Həmçinin iclasda ABA-nın nəzdində yeni yaradılmış “Risklərin İdarə edilməsi üzrə Ekspert Qrupu”nun sədri təyin edilmişdir. Ekspert Qrupuna sədr “Azərbaycan Beynəlxalq Bankı” ASC-də İdarə Heyəti sədrinin müavini Aqşin Əmirov təyin edilmişdir.

“Ticarətin və layihələrin maliyyələşdirilməsi üzrə Ekspert Qrupu”nun yaradılması və qrup sədri VTB Bankın korporativ biznes inkişaf departamentinin direktoru Yasin Cəlilov təyin olundu.