11:15 - 10.10.2018

---

10 oktyabr, Fineko/abc.az. Azərbaycan Vergilər Nazirliyi vergitutma bazasının genişləndirilməsi nəticəsində ölkə daxilində ticarət dövriyyəsinin artımını qeyd edir. 

Vergilər naziri Mikayıl Cabbarov bildirib ki, nazirlik tərəfindən vergiödəyiciləri ilə şəffaf münasibətlərin qurulmasına yönəlmiş tədbirlərin həyata keçirilməsi hesabına qeyri-neft sektorunda dövriyyələr 7,1 faiz artaraq 44 milyard manatı ötüb.

“Ticarətdə dövriyyə 18,4 faiz, o cümlədən pərakəndə ticarət dövriyyəsi 27,9 faiz artıb. Bu dinamika şəffaflaşmanın erkən əlamətləri kimi qəbul edilə bilər. Vergiödəyicilərinə öz uçot sənədləşmə işlərini qaydaya salmağa imkan yaratmaq üçün səyyar vergi yoxlamalarının sayı 3 dəfə azaldılıb”, - nazir belə deyib.