AzerGold və Ekologiya və Təbii Sərvətlər Nazirliyi memorandum imzaladılar

12:23 - 26.10.2018


26 oktyabr, Fineko/abc.az. Ekologiya və Təbii Sərvətlər Nazirliyi ilə “AzerGold” QSC arasında “Çovdar” mədənində memorandum imzalanıb.

“AzerGold”un məlumatında deyilir ki, memorandumu Ekologiya və Təbii Sərvətlər Naziri Muxtar Babayev və “AzerGold” QSC-nin İdarə Heyətinin sədri Zakir İbrahimov imzalayıblar.

“Memorandum çərçivəsində ölkə ərazisində mövcud filiz yataqlarının tədqiqi, kəşfiyyatı, işlənməsi, bu sahədə yeni texnologiyaların tətbiqi, “AzerGold” QSC-nin istifadəsində olan bir sıra faydalı qazıntı yataqlarının geoloji kəşfiyyatında birgə fəaliyyət, əlvan metal filizi yataqları üzrə məlumatların rəqəmsallaşdırılması nəzərdə tutulub”, - məlumatda belə deyilir.

Memorandum yeni parametrlər çərçivəsində əməkdaşlığın genişləndirilməsi və optimallaşdırılması, elmi və texnoloji inkişafa dəstək və geoloji kəşfiyyat və mədənçilik sahəsində qanunvericilik bazasının təkmilləşdirilməsinə tövhə verməyi  əhatə edir.

 

Other news