Astaranın üç kəndinin elektrik enerjisi ilə təchizatını təmin etmək məqsədilə 1,5 milyon manat ayrılıb

17:55 - 12.04.2019

12 aprel, Fineko/abc.az. Prezident İlham Əliyev aprelin 12-də “Astara rayonunun Diqo, Dolu və Sekaşan kəndlərinin elektrik enerjisi ilə təchizatı haqqında” Sərəncam imzalayıb.

Sərəncama əsasən, Astara rayonunun Diqo, Dolu və Sekaşan kəndlərinin elektrik enerjisi ilə təchizatını təmin etmək məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Azərişıq” Açıq Səhmdar Cəmiyyətinə 1,5 milyon manat ayrılıb.

Other news