11:18 - 28.11.2017

---

28 noyabr, Fineko/abc.az. Bu gün prezident İlham Əliyev “Azərbaycan Respublikasında baramaçılığın və ipəkçiliyin inkişafına dair 2018–2025-ci illər üçün Dövlət Proqramı”nı təsdiq etdi.

Proqramın reallaşdırılması ölkədə ipəkçiliyin inkişafına, bu istiqamətdə ixracat potensialının yüksəldilməsinə və kənd əhalisi arasında məşğulluğun artırılmasına yönəldilib.

Sərəncama uyğun olaraq, Maliyyə Nazirliyinə və İqtisadiyyat Nazirliyinə hər il dövlət büdcəsindən və dövlət investisiya proqramından ipəkçiliyin inkişafına vəsait ayırmaq tapşırılıb.

Kənd Təsərrüfatı Nazirliyinə və İqtisadiyyat Nazirliyinə, ipəkçiliyin inkişaf proqramında nəzərdə tutulmuş tədbirlərin reallaşdırmasının gedişatı haqqında Azərbaycan prezidentinə informasiya təqdim etmək həvalə olunub.