15:22 - 6.05.2019

---

6 may, Fineko/abc.az. Bu gün Bakıda “Rusiya Dəmir Yolları” ASC və “Azərbaycan Dəmir Yolları” QSC arasında əməkdaşlığın inkişafı haqqında memorandum imzalanmışdır.

"RDY" nun məlumatına görə, sənədi "Rusiya Dəmir Yolları" İdarə Heyətinin sədri - Oleq Belozyorov və Azərbaycan Dəmir Yolları İdarəsinin sədri Cavid Qurbanov imzaladılar.

“Memorandum Avrasiya səviyyəsində beynəlxalq nəqliyyat dəhlizlərinin inkişafı və istismarı, o cümlədən xarici iqtisadi əlaqələrin genişləndirilməsi və tranzit və ixrac-idxal nəqliyyatının optimal nəqliyyat şəraitinin təmin edilməsi məqsədi ilə razılaşdırılmış inkişaf siyasətinin  həyata keçirilməsinə yönəlib”, - məlumatda belə deyilir.

Həmçinin məlumatda deyilir ki, tərəflər dəmir yolu sahəsində kompleks əməkdaşlığı, xüsusilə milli dəmir yolu şirkətlərinin nəqliyyat və tranzit potensialını inkişaf etdirmək niyyətindədirlər. O cümlədən, Şimal-Cənub beynəlxalq nəqliyyat dəhlizinin  İran-Azərbaycan-Rusiya-Avropa qərb marşrutu boyunca və Bakı - Tbilisi - Qars dəmir yolunun infrastrukturunu istifadə etməklə, Rusiya - Azərbaycan - Türkiyə marşrutu çərçivəsində yük daşımalarının artmasına kömək edəcək birgə tədbirlərin həyata keçirilməsini nəzərdə tutur.  "Rusiya Dəmir Yolları" ASC və "Azərbaycan Dəmir Yolları" QSC "Şimal-Cənub" dəhlizi qərb marşrutu və digər marşrutlarla konteyner qatarlarla yük daşımaları üçün birgə əlavə yüklərin alınmasına razılıq veriblər. Bundan əlavə, şirkətlərin səyləri Şərq-Qərb-Şərq istiqamətində tranzit daşımaların inkişafına, ilk növbədə, Azərbaycan ilə ÇXR arasında Rusiya vasitəsilə tranzit əlaqələrinə, eləcə də Çin və digər ölkələr arasında tranzitlə Rusiya və Azərbaycan əlaqələrinin inkişafına yönləndiriləcək.

Tərəflər xidmət keyfiyyətinin yaxşılaşdırılması, sərnişindaşıma vasitələrinin səmərəli istifadəsini təmin etmək və rəqabətədavamlı tariflər təklif etməyə hazır olduqlarını bildirdilər.  Ticarət və texnoloji prosedurların səmərəliliyinin artırılması üçün müasir texnologiyaların tətbiqi, elektron sənədlərin idarə edilməsi və yük hərəkətlərinin izlənməsi əsasında vahid informasiya məkanı hazırlanacaqdır.

“Yüklərin çatdırılmasının vaxtını azaltmaq üçün sərhəd və gömrük prosedurlarını, o cümlədən elektron məlumat mübadiləsini və elektron formada ilkin məlumatları optimallaşdırmağı planlaşdırırıq.  Samur-Yalama sərhəd keçidinin sərhədyanı infrastrukturunun koordinasiyalı şəkildə inkişaf etdirilməsi, Şimal-Cənub nəqliyyat dəhlizi və digər marşrutlar üzrə gələcək daşıma həcmini nəzərə alaraq, daşınma qabiliyyətini artırmağı nəzərdə tutur”, - məlumatda belə deyilir.