21:06 - 6.05.2019

---

6 may, Fineko/abc.az. “Rusiya Dəmir Yolları” ASC-in Baş direktoru və  İdarə Heyətinin sədri Oleq Belozyorov Bakıya işgüzar səfəri çərçivəsində Azərbaycan Prezidenti İlham Əliyevlə görüşüb.

RDY-in məlumatına görə, görüş zamanı Şimal-Cənub BND ilə birbaşa dəmir yolu xətti yaratmaq üçün Rəşt-Astara dəmiryolu xəttinin tikintisinin davam etdirilməsinin vacibliyi vurğulandı.

“Azərbaycan Dəmir Yolları" ASC-in sədri Cavid Qurbanovla görüşdə Şimal-Cənub və Qərb-Şərq istiqamətlərində nəqliyyat dəhlizlərinin inkişafı üçün birgə tədbirlər müzakirə edilib.

"Rusiya Dəmir Yolları" ASC-in rəhbəri Bakı-Tbilisi-Qars dəmiryol xəttinin potensialını yüksək qiymətləndirib və qeyd edib ki, onun tam yüklənməsi üçün Rusiya tərəfi müvafiq nəqliyyat məhsulları və yük bazası təmin etməyə hazırdır. Bununla yanaşı, Azərbaycanda paylaşdırma mərkəzinin təşkili ilə Çindən Bakıya müntəzəm konteyner xidməti yaratmaq barədə fikir söylənilib”, - məlumatda belə deyilir.

Şimal-Cənub dəhlizinin inkişafı barədə danışan Oleg Belozyorov "Rusiya Dəmir Yolları" nəqliyyatın əsas tarifini və logistik parametrlərini formalaşdırdığını, Hindistan şirkətləri ilə yük bazasının cəlb edilməsi üzrə işlər aparıldığını bildirdi. Eyni zamanda, İran ərazisində Rəşt-Astara xəttinin tikintisinin ildə 100 min İFE (iyirmi futluq ekvivalent) səviyyəsində müntəzəm daşıma həcmlərinə çatmasına imkan verəcəkdir.

Tərəflər elektron qarşılıqlı əlaqələrin inkişaf etdirilməsinin vacibliyini vurğuladılar. Oleq Belozyorovun sözlərinə görə, Rusiyanın və Azərbaycanın kommunikasiyasında yüklərin 87%-i elektron formada tərtib edilib (keçən il bu göstərici 50% idi).

Cavid Qurbanov qeyd edib ki, "Rusiya Dəmir Yolları" ASC bu gün Azərbaycanın dəmir yolları üçün ən vacib tərəfdaşdır. Həm işçilərin ixtisası, həm də Rusiya dəmir yollarının inkişaf səviyyəsi Azərbaycan dəmir yolçuları üçün yaxşı nümunədir. Beynəlxalq nəqliyyat dəhlizlərində daşımaların daha da müsbət dinamikasına və birgə layihələrin uğurla həyata keçirilməsinə əminlik ifadə edildi.

Görüşdən sonra sərhəd və gömrük prosedurlarının optimallaşdırılması, o cümlədən Mahaçqala-Bakı sərnişin qatarının işə salınması imkanlarını nəzərdən keçirmək üçün hakimiyyət orqanları ilə birgə tədbirlərin davam etdirilməsi qərara alındı.