11:07 - 16.09.2019

---

16 sentyabr, Fineko/abc.az. Maliyyə Nazirliyi “Azərbaycan Respublikasının 2020-ci ilin dövlət və icmal büdcələrinin ilkin göstəricilərinə dair açıqlama” hazırlayıb. Qeyd olunur ki, 2020-ci ildə icmal büdcə gəlirləri 27 milyard 605,3 milyon manat nəzərdə tutulur.

Məlumata əsasən xəbər verilir ki, müvafiq olaraq icmal büdcə kəsirinin 586,7 milyon manat olacağı gözlənilir. Gələn il üçün icmal büdcə xərclərinin yuxarı həddi büdcə qaydasına uyğun olaraq 28 milyard 192 milyon manat səviyyəsində proqnozlaşdırılır ki, bu da 2019-cu ilin təsdiq edilmiş göstəricisi ilə müqayisədə 821,1 milyon manat və ya 3 % çoxdur.

İcmal büdcənin tərkib hissəsi olan Naxçıvan Muxtar Respublikasının büdcəsinin gəlir və xərcləri bərabər olaraq 480,3 milyon manat proqnozlaşdırılır ki, bu da cari illə müqayisədə 96,6 milyon manat çoxdur.