Cavid Qurbanov: İki yeni depo istifadəyə veriləcək

14:47 - 11.10.2019


11 oktyabr, Fineko/abc.az. “Şimal-Cənub” Nəqliyyat Dəhlizi ilə cari ildə 400 min tondan çox yük daşınıb.

Bu ilin doqquz ayında dəmir yolu ilə 700 min tonluq Rusiya yükləri daşınıb. Bunu “Azərbaycan Dəmir Yolları” QSC-nin sədri Cavid Qurbanov deyib.

O, qeyd edib ki, dəmir yolu ilə Türkmənistan yüklərinin də daşınmasında artım var. Həmçinin Lapis-Lazuli dəhlizi ilə də dəmir yolu daşımalarında artım müşahidə olunur.

Cavid Qurbanov həmçinin "Azərbaycan Dəmir Yolları" QSC-nin gələcək hədəflərini də açıqlayıb.

“Bakı-Gəncə qatarının Ağstafayadək uzadılması, Şahdağa və Qəbələyə yeni dəmir yolunun çəkilməsi, Balakən istiqamətində dəmir yolunun yenidən qurulması, dəmir yolunda elektrikləşdirmə işlərinin aparılması, iki yeni deponun istifadəyə verilməsinin daxildir- deyə o bildirib.

 

Other news