11:12 - 8.01.2020

---

8 yanvar, Fineko/abc.az. Azərbaycan Dövlət Neft Fondu (ARDNF) 1 ayda 886,35 milyon dollar satıb.

ABC.AZ Fonda istinadən xəbər verir ki, Azərbaycan Dövlət Neft Fondu (ARDNF) ötən ay ərzində həyata keçirilmiş valyuta satışı ilə bağlı açıqlama yayıb. Açıqlamada ARDNF tərəfindən 2019-cu ilin dekabr ayı ərzində 886,35 milyon ABŞ dolları məbləğində vəsait satıldığı bildirilir.

Xəbər verildiyi kimi, ARDNF 2019-cu ilin noyabr ayında valyuta hərraclarında $539,81 mln. məbləğində xarici valyuta satıb. Beləliklə, ötən ilin dekabr ayında fond tərəfindən xarici valyutanın satış həcmi sentyabr ayı ilə müqayisədə 64,2% artıb. 2019-cu ildə valyuta hərraclarında $6 mlrd. 593,86 mln. məbləğində xarici valyuta satılıb.

Müəllif: Elmir Murad