330x110
 

Azərbaycanda reklam sektorunda yeniliklər gözlənilir - Xidmət my.gov.az portalına inteqrasiya olunacaq

24.01.2020,14:45


24 yanvar, Fineko/abc.az. Azərbaycan Dövlət Reklam Agentliyi (ADRA) 2020-ci ildə bir sıra yeniliklər tətbiq edəcək.

ADRA-nın İctimaiyyətlə əlaqələr şöbəsindən ABC.AZ-a bildirilib ki, “İcazələr” proqram təminatı yenilənəcək.

Belə ki, açıq məkandakı reklam daşıyıcıları və reklamların qeydiyyatının optimallaşdırılması məqsədilə agentliyin istifadə etdiyi “İcazələr” proqram təminatını Elektron Hökumətin İnkişafı Mərkəzi tam yeniləyıb. Hazırda proqram təminatı agentliyin Mərkəzi Aparatında test rejimində istifadə olunur və tezliklə regional idarələrdə də tətbiq olunacaq. Növbəti mərhələdə isə xidmət my.gov.az portalına inteqrasiya olunacaq. Bu isə o deməkdir ki, müvafiq əməliyyatları (sistemdə qeydiyyat, icazə üçün müraciətin göndərilməsi, icazə üçün tələb olunan məlumatların daxil edilməsi, ödənişin aparılması) sahibkar özü asanlıqla həyata keçirə biləcək.

Müəllif: Elmir Murad