Manatla qoyulan əmanətlər artıb – 32 faiz

16:10 - 27.01.2020


27 yanvar, Fineko/abc.az. Manatın möhkəmlənməsi milli valyutada olan əmanətlərin həcmini artırıb. Mərkəzi Bankın məlumatına görə, ötən il dekabrın 1-nə əhalinin banklardakı əmanətlərinin milli valyuta ekvivalentində məbləği əvvəlki ilin eyni dövrü ilə müqayisədə 7,5 faiz artaraq 8 milyard 681,5 milyon manat təşkil edib.

ABC.AZ Dövlət Statistika Komitəsinə istinadən xəbər verir ki, əmanətlərin 54,1 faizi xarici, 45,9 faizi isə milli valyutada qoyulub. Milli valyutada olan əmanətlər keçən ilin müvafiq dövrünə nisbətən 32 faiz artıb, xarici valyutada əmanətlər isə 7,1 faiz azalıb.

Qeyd edək ki, dekabrda milli valyutanın 1 ABŞ dollarına nisbətdə orta məzənnəsi 1,70 (ilin əvvəlindən 1,70) manata, 1 avroya 1,89 (1,90) manata, 100 rus rubluna 2,70 (2,63) manata bərabər olub.

 

Other news