13:40 - 26.12.2017

---

26 dekabr, Fineko/abc.az.  “Azərbaycan Avtomobil Yolları” Dövlət Agentliyi, paytaxt yol infrastrukturunun keyfiyyətinin yaxşılaşdırılması üzrə tədbirlər həyata keçirir.

Fineko/abc.az  İnformasiya Agentliyinə Agentliyin mətbuat xidmətinin rəhbəri Anar Nəcəfli bildirib ki, metronun “Koroğlu” stansiyası qarşısında və Ziya Bünyadov prospektində tıxacların aradan qaldırılması üçün, Bakı Olimpiya Stadionunun qarşısında yeni tunel tikilir.

 “Bu ərazidəki tıxaclar ona görə yaranır ki, pik saatında Ziya Bünyadov prospektindən Heydər Əliyev Beynəlxalq  Hava Limanına doğru hərəkət edən avtomobillər,  Heydər Əliyev prospektinə çıxmaq üçün, “Koroğlu” stansiyasının yanındakı körpüdə dönürlər. Yeni tunel, Ziya Bünyadov prospektindən birbaşa Hava Limanı yoluna çıxmağa imkan verəcək”, - deyə A.Nəcəfli bildirib.

Onun sözlərinə görə, 2018-ci ildə istismara verilməsi planlaşdırılan tunelin uzunluğu 655 metr olacaq.