BNA skamyalarda oturmağı qadağan etdi

16:15 - 29.03.2020

 29 mart, Fineko/abc.az. Xüsusi karantin rejiminin tətbiq edilməsinə baxmayaraq, hələ də bəzi vətəndaşlar özünütəcrid tədbirlərinə adekvat davranmırlar.

ABC.AZ xəbər verir ki, bu sözlər Bakı Nəqliyyat Agentliyinin (BNA) yaydığı məlumatda qeyd olunub. 

Belə ki, “Koroğlu” Nəqliyyat Mübadilə Mərkəzində perrondan kənar ərazidə insanlar müəyyən qrup halında toplaşır ki, bu da mövcud epidemik vəziyyətdə yoluxma riskini artırır.

Agentlik bu səbəbdən “Koroğlu” Nəqliyyat Mübadilə Mərkəzində perrondan kənar skamyalar və digər oturacaq yerlərindən istifadəyə qadağa qoyub.

 

Müəllif: Elmir Murad

Other news