"Fitch"-dən Azərbaycanla bağlı bədbin proqnoz - Strateji valyuta ehtiyatları azalacaq

11:26 - 30.07.2020


30 iyul, Fineko/abc.az. "Fitch" beynəlxalq reytinq agentliyinin proqnozlarına görə, 2020-ci ilin sonuna Azərbaycanın strateji valyuta ehtiyatları 38,3 mlrd. ABŞ dollar təşkil edəcək.

Bu, 23 aylıq idxalı ödəmək üçün kifayətdir.

ABC.AZ apa-ya istinadən xəbər verir ki, proqnoz ötən ilin yekununda qeydə alınan göstərici ilə müqayisədə 22,6% azdır.

“Fitch” qeyd edir ki, Azərbaycanın güclü xarici balansı aşağı neft qiymətlərinin mənfi təsirini demək olar ki, bütövlüklə zərərləşdirir.

Qeyd edək ki, bu ilin iyul ayının 1-nə ölkənin strateji valyuta ehtiyatları 49,6 mlrd. dollar təşkil edib. Strateji valyuta ehtiyatları Azərbaycan Dövlət Neft Fondunun aktivlərindən (43,2 mlrd. dollar) və Mərkəzi Bankın rəsmi valyuta ehtiyatlarından (6,4 mlrd. dollar) ibarətdir.

 

Other news