12:30 - 10.09.2020

---

10 sentyabr, Fineko/abc.az. 2020-ci ilin yanvar-avqust aylarında istehlak qiymətləri indeksi 2019-cu ilin yanvar-avqust aylarına nisbətən 2,9 faiz, o cümlədən ərzaq məhsulları, içkilər və tütün məmulatları üzrə 5,3 faiz, qeyri-ərzaq məhsulları üzrə 1,3 faiz, əhaliyə göstərilmiş ödənişli xidmətlər üzrə 1,0 faiz artıb.

ABC.AZ Dövlət Statistika Komitəsinə istinadən xəbər verir ki, cari ilin avqust ayında istehlak qiymətləri indeksi əvvəlki aya nisbətən 0,2% azalıb (deflyasiya), əvvəlki ilin avqust ayına nisbətən 2,8 faiz artıb.

2020-ci ilin avqust ayında ərzaq məhsulları, içkilər və tütün məmulatları üzrə istehlak qiymətləri indeksi əvvəlki aya nisbətən 0,5% faiz azalıb, əvvəlki ilin avqust ayına nisbətən 4,9 faiz artıb.

Müəllif: Elmir Murad