09:35 - 25.09.2020

---

25 sentyabr, Fineko/abc.az. Cümə günü ticarətdə neft qiymətləri yüksəlir, lakin bəzi ölkələrdə məhdudlaşdırıcı tədbirlərin təkrarlanması ilə əlaqədar tələbatın azalması qorxusu səbəbindən həftə ərzində mənfi istiqamətdə başa çatacaq.

Saat 9:12-də London ICE Futures birjasında Brent markalı neftin noyabr fyuçersi $0,23 (0,55%) – barel başına $42,17-ə yüksəldi. Sentyabrın 24 – də keçirilən ticarətin nəticələrinə görə, noyabr ayı üçün Brent neftinin fyuçers qiyməti $0,17 (0,41%) artaraq barelə görə $41,94-ə yüksəlib.

Saat 9:12-də, Nyu-York əmtəə birjasında (NYMEX) WTI-nin noyabr ayına olan fyuçers ticarətində $0,23 (0,57%) – bir barel üçün $40,54-ə yüksəldi. Sentyabr ayının 24-ü ticarətinin nəticələrinə görə, WTI noyabr fyuçersləri bir barel üçün $0,38 (0,95%), $40,31-ə yüksəldi.

Bu həftə Brent nefti 2,1%, WTI – 1,7% ucuzlaşıb.