Neft ucuzlaşır, Brent bir barelə $55,44 səviyyədədir

10:11 - 26.01.2021


26 yanvar, Fineko/abc.az. COVİD-19 yoluxmalarının çoxluğu və ləng vaksinasiya ilə əlaqədar tələb proqnozlarının pisləşməsi fonunda çərşənbə axşamı neft qiymətləri aşağı düşür.

Bloomberg xəbər verir ki, Çində yeni yoluxmaların baş verməsi ölkədə Ay təqviminə görə yeni ilin qeyd  edilməsi dövründə ənənəvi olaraq yüksələn neftə olan tələbatı təhlükə altına qoyur.

Saat 9:36-da London ICE Futures birjasında keçirilən ticarətdə, Brent markalı neftin mart fyuçersinin qiyməti $0,44 (0,79%), barrel başına $55,44 qədər azalıb. 25 yanvar fyuçerslərinin nəticələrinə görə, Brentin mart ayına olan fyuçers qiyməti $0,47 (0,85%) – bir barelə $55,88-ə yüksəldi.

Saat 9:36-da Nyu-York əmtəə birjasında (NYMEX) keçirilən ticarətdə WTI mart fyuçersi $0,40 (0,76%) – barrel başına $52,37-ə düşdü. 25 yanvarda keçirilən ticarət nəticələrinə görə, WTI-nin mart ayına olan fyuçersi $0,50 (0,96%) – bir barelə $52,77-a yüksəldi.

 

Other news