10:12 - 4.02.2021

---

4 fevral, Fineko/abc.az. Neft qiymətləri, ötən gün il ərzində maksimuma yüksələndən sonar, cümə axşamı günü də yüksəlməyə davam edir.

Bloomberg xəbər verir ki, OPEC+ (JMMC) Nazirlər Monitorinq Komitəsinin neft bazarının sürətlə balanslaşdırılmasının əhəmiyyəti haqqında bəyanatı bazara dəstək verib.

Saat 9:35-də London ICE Futures birjasında keçirilən ticarətdə, Brent-in aprel fyuçersinin qiyməti bir barrel üçün $0,25 (0,43%) – $58,71-ə yüksəldi. 3 fevralda keçirilən ticarətin nəticələrinə görə, aprel ayında Brent fyuçersləri $1 (1,74%) – bir barel üçün $58,46-a yüksəldi.

Saat 9:35-də Nyu – York əmtəə birjasında (NYMEX) WTI-nin mart fyuçersinin qiyməti $0,31 (0,56%) - barel başına $56-a yüksəldi. Fevralın 3-də keçirilən hərracların nəticələrinə görə, mart ayına fyuçersinin qiyməti $ 0,93 (1,7%) – bir barelə $55,69-ə yüksəldi.