11:00 - 2.03.2021

---

2 mart, Fineko/abc.az. Azərbaycanda sosial media hesablarının reytinqi açıqlanıb.

ABC.AZ-ın məlumatına görə, bu ilin fevralında sosial şəbəkələr arasında populyarlığına görə, "Twitter"-dən sonra ikinci yerdə "Instagram" qərarlaşıb.

Onun istifadəçilərinin ölkə üzrə fəallığı fevral ayı ərzində 1,9 faiz bənd artıb.

Bu sosial şəbəkənin Azərbaycan bazarında payı bu ilin mart ayının 1-nə 22,3% təşkil edib.

Bu da ötən ilin analoji göstəricisindən təqribən 2,9 faiz bənd çoxdur.

Sözügedən dövrdə  ölkə üzrə "YouTube" şəbəkəsinin istifadəçilərinin fəallığı 0,2 faiz bənd artıb. Belə ki, bəhs olunan dövrdə "YouTube" Azərbaycan sosial media bazarında 20,2% bazar payı ilə 3-cü yerdə qərarlaşıb. Bu göstərici ötən ilin müvafiq dövrü ilə müqayisədə 12,2 faiz bənd çoxdur. Digər sosial şəbəkələrin pay bölgüsünə gəlincə sözügedən dövrdə "Facebook" – 18,3, " Pinterest "  – 14,6, "VKontakte" – 0,66%, "Reddit" – 0,4%, və s. təşkil edib.