10:30 - 19.04.2021

---

19 aprel, Fineko/abc.az. Qəbələnin Çuxurqəbələ kəndində fəaliyyət göstərən fermer təsərrüfatında lavanda bitkisinin anqustifolia növü becərilir.

ABC.AZ-ın məlumatına görə, Qəbələ ilə yanaşı Lənkəranın İstisu qəsəbəsindəki “Yaşıl çay” fermer təsərrüfatında yerli qara çayın lavanda bitkisi ilə fermentləşdirilmiş qarışığından da dadlı və ətirli çay növü alınıb. Yeni növ çay mütəxəssislər tərəfindən yüksək qiymətləndirilib.

Bununla əlaqədar olaraq Kiçik və Orta Biznesin İnkişafı Agentliyinin (KOBİA) vasitəçiliyi ilə “Yaşıl çay” fermer təsərrüfatı ilə Çuxurqəbələ kəndindəki fermer təsərrüfatı arasında əməkdaşlıq müqaviləsi imzalanıb. Bitkinin faydalılığı nəzərə alınaraq təsərrüfatda 0,50 hektar sahədə lavandanın anqustifolia növünün sınaq əkini keçirilib.