10:05 - 8.12.2021

---

8 dekabr, Fineko/abc.az. Ötən sessiyanın nəticələrinə görə artımdan sonra, neftin etalon markalarının qiymətləri çərşənbə günü ticarətdə azalır.

Saat 9:25-də London ICE Futures birjasında keçirilən hərracda Brent markalı neftin fevral fyuçersi $0,20 (0,27%) ucuzlaşaraq bir barelə $75,24 təşkil edib. Dekabrın 7-də keçirilən ticarətin nəticələrinə görə, Brentin fevral ayına olan fyuçersi $2,36 (3,23%) - bir barelə $75,44-ə yüksəldi.

Saat 9:25-də, Nyu-York əmtəə birjasında (NYMEX) WTI markalı neftin yanvar ayına olan fyuçersi $0,23 (0,32%) - barrel başına $71,82-ə qədər düşüb. Dekabrın 7-də baş tutmuş hərracların nəticələrinə görə, yanvar fyuçersi $2,56 (3,68%) artaraq bir barelə $72,05 çatıb.

Təşkilatın enerji informasiya idarəsinin (EIA) aylıq proqnozundan göründüyü kimi, ABŞ Enerji Nazirliyi Brent qiyməti proqnozunu 2022-ci ildə $72/Barr-dan $70/barr qədər endirdi.

Həmçinin, ABŞ-ın Energetika Nazirliyi 2022-ci il üçün qlobal maye karbohidrogenlərə olan tələbatı 101 mln. b/s-dən 100,5 mln. b/s-ə qədər azaldıb.