12:22 - 30.12.2021

---

30 dekabr, Fineko/abc.az. "Böyük təəssüflə bildiririk ki, Ağdam rayonunun işğaldan azad olunmuş ərazilərində xidməti vəzifələrini yerinə yetirən əməkdaşlar erməni silahlıları tərəfindən atəşə tutulub".

Bunu ABC.AZ-a "Bakcell" şirkətindən Ağdamda əməkdaşlarının vurulmasını şərh edərkən bildiriblər. Məlumatda qeyd edilib ki, hadisə nəticəsində yaralanan Anar Rəhimliyə hazırda tibbi xidmət göstərilir və həyatı üçün təhlükə yoxdur.

"Hazırda Bakcell şirkəti işğaldan azad olunmuş ərazilərimizdə mobil şəbəkənin qurulması istiqamətində genişmiqyaslı işlər aparır və əməkdaşlarımızın Ağdama səfərinin məqsədi də həmin ərazidə mobil şəbəkənin qurulması olub" deyə məlumatda vurğulanıb.