Rusiya Azərbaycana qaz tədarükünü bərpa etdi – 2019-cu ildən dayanmışdı

18 noyabr, Fineko/abc.az. Noyabrın 15-də Rusiya şirkəti “Qazprom” SOCAR ilə yeni sazişə əsasən Azərbaycana qaz tədarükünü (ixracını) bərpa edib.

ABC.AZ xəbər verir ki, bu barədə “Qazprom”dan bildirilib.

"Noyabrın 15-də yeni qaz alqı-satqısı müqaviləsi çərçivəsində Rusiya qazının Azərbaycana tədarükü başlayıb. Sənəd "Qazprom Eksport" MMC ilə Azərbaycan Respublikası Dövlət Neft Şirkəti (SOCAR) arasında imzalanıb", -deyə məlumatda deyilir.

2023-cü ilin mart ayına qədər Rusiyadan Azərbaycana 1 milyard kubmetrə qədər mavi yanacaq ixrac ediləcəyi qeyd olunur.

Azərbaycan 2019-cu ildə “Şahdəniz” yatağının ikinci mərhələsinin işə salınmasından sonra Rusiya yanacağının idxalını dayandırmışdı.

 

Tarix: 18 Noyabr 2022 | 16:06
Whatsapp-la göndər

Xəbərlər

26  Yanvar 2023