12:09 - 1.02.2023

---

1 fevral, Fineko/abc.az. Mərkəzi Bank Azərbaycanda ilk dəfə banklararası mütəşəkkil valyuta bazarını yaradıb.

ABC.AZ xəbər verir ki, bunu mətbuat konfransında Mərkəzi Bankın sədri Taleh Kazımov bildirib. Baş Bankir qeyd edib ki, sözügedən platforma bu il yanvarın 9-dan etibarən yaradılıb. "Artıq banklar bu bazarda bir-birlərinə valyuta sata və ala bilirlər. Bu platformanın köməyi ilə valyuta kəsiri olan bank öz kəsirini bağlaya, profisiti olan bank isə onu sata bilər" deyə Mərkəzi Bank sədri bildirib.

Mərkəzi Bankın sədri əlavə edib ki, yanvar ayında 2 valyuta hərracında bankların sifarişinin olmaması və digər hərraclarda az olması ilk növbədə tələbin azalması və ilk dəfə banklararası mütəşəkkil valyuta bazarının işə düşməsi ilə əlaqədardır.

Müəllif: Elmir Murad