Azərbaycanın sığortaçıları ilk yarımillikdə 396 milyon manat topladılar

11:59 - 13.07.2018


13 iyul, Fineko/abc.az. Yanvar-iyun aylarında Azərbaycanda fəaliyyət göstərən sığorta şirkətləri 396,37 milyon manat həcmində sığorta haqları toplayıb, 119,3 milyon manat həcmində sığorta ödənişi həyata keçiriblər.

Maliyyə Bazarlarına Nəzarət Palatasının (MBNP) məlumatında deyilir ki, könüllü sığorta bazarı üzrə haqlar 286.84 mln. manat, ödənişlər isə 87.11 mln. manat təşkil edib. İcbari sığorta bazarı üzrə haqlar 109.53 mln. manat, ödənişlər isə 32.19 mln. manat olub.

“Məcmu sığorta haqlarının 72%-i  könüllü, 28%-i  isə  icbari  sığorta  növlərinin  payına  düşüb. Sığorta  ödənişlərinin 73%-i könüllü, 27%-i isə icbari sığorta növləri hesabına formalaşıb”, - məlumatda belə deyilir.

Azərbaycanda 21 sığorta şirkəti və 1 təkrar sığorta şirkəti fəaliyyət göstərir.

 

Вся лента