12:54 - 30.08.2018

---

30 avqust, Fineko/abc.az. MBA-da (Moskva Beynəlxalq Avtosalonu) Azərbaycanın “Khazar” brendinin debüt təqdimatı olub.

MBA-nın məlumatında deyilir ki, Neftçala Sənaye Zonasında avtomobil zavodunun fəaliyyəti bu ilin yazında başlanıb.

“Khazar” modelləri,  “Iran Khodro” və “Azeurocar” şirkətlərinin sərmayə yatırdıqları İran-Azərbaycan müəssisəsində buraxılır.

Razılaşmalara əsasən, hər il konveyerdən təxminən 10 min avtomobil çıxacaq.

İlk olaraq, İranın Dena modelinə bənzəyən ucuz modellərin “Iran Khodro” şirkətinin layihəçiləri tərəfindən istehsalı başlanmışdır. Radiator məhəccərində at loqotipi əvəzinə "K" və "H" hərfləri yerləşdirilib.

Gələn il müəssisədə SD, LD, Peugeot-206, Peugeot-207, həmçinin Renault-dan Tondar və Pick-Up  avtomobilləri  istehsal olunacaq.

İstehsal edilən maşınlar müasir təhlükəsizlik standartlarına və Avro-5 tələblərinə cavab verəcək. “Khazar” Azərbaycan bazarında yetərincə populyarlaşdıqdan sonra, 2 min model Rusiyaya, Afrika ölkələrinə  və Yaxın Şərqə tədarük ediləcək.