12:32 - 7.11.2017

---

7 noyabr, Fineko/abc.az. Azərbaycan parlamentində bu gün 2018-ci ilin dövlət büdcəsi layihəsinin müzakirələri aparılır.

Azərbaycanın Maliyyə naziri Samir Şərifov müzakirələr gedişatında bildirib ki, 2017-ci ildə xarici valyutanın manata nisbətdə möhkəmlənməsi, ölkədə alkoqollu içkilərin və tütün məmulatlarının bahalaşmasına səbəb oldu, çünki onların qiyməti xarici valyutanın məzənnəsi ilə bağlıdır.

“Bununla bağlı, alkoqollu içkilərin və tütün məmulatlarının idxalına aksiz vergisinin gələn ildən etibarən  artımı haqqında qərar qəbul edilmişdir. “Dövlət rüsumu haqqında” Qanununa düzəlişlər artıq hazırlanmışdır və dövlət başçısına təqdim edilmişdir”, - nazir belə deyib.

Onun sözlərinə görə, bu qərar, ilk növbədə, yerli bazarın qorunması, ölkədən valyuta axınının qarşısının alınması və əhalinin sağlamlığının təmin edilməsi  məqsədi ilə qəbul edilib.