Beynəlxalq Transxəzər Nəqliyyat Dəhlizi ilə daşımaların həcmi 3 mln. tona qədər çatdırılacaq

15.11.2017,12:33


15 noyabr, Fineko/abc.az. Yanvar-oktyabr ayları ərzində Beynəlxalq Transxəzər Nəqliyyat Marşrutu ilə 1 milyon tondan artıq yük daşınıb.

Bu gün Bakıda keçirilən “Beynəlxalq Transxəzər Nəqliyyat Marşrutu”nun iclasında “Qazaxıstan Dəmir Yolları”nın prezidenti Kanat Alpısbayev bildirib ki, bu il daşımalar üzrə proqnoz 750 min ton səviyyəsində müəyyən edilmişdir.

“Lakin cari ilin on ayı ərzində artıq 1 milyon tondan çox yük daşınıb, ilin sonuna qədər isə yük daşımalarının həcmini 1,3 milyon tona qədər çatdırmaq planlaşdırılır”, - deyə K. Alpısbayev bildirdi.

Onun sözlərinə görə,  2018-ci ildə daşımaların həcmini ən azı 3 milyon tona qədər çatdırmaq planlaşdırılır.

K. Alpısbayev qeyd edib: “Yük daşımalarının artımı əsasən mallar nomenklaturasının çeşidinin genişləndirilməsi hesabına təmin  olunacaq”.