Embafinans daha 1 milyon manatlıq istiqraz yerləşdirib

11:20 - 4.12.2018


4 dekabr, Fineko/abc.az. Embafinans bank olmayan kredit təşkilatının istiqrazlarının emissiyasının ikinci tranşı tam həcmdə yerləşdirilib.

3 dekabr, 2018-ci il tarixində Bakı Fond Birjasında Embafinansın 1 milyon AZN həcmində, 1 il (365 gün) tədavül müddətli istiqrazlarının yerləşdirilməsi üzrə hərrac keçirilmişdir.

Yerləşdirmə zamanı hərrac qiyməti 1000 AZN olmuşdur. 1 investor tərəfindən 1 sifariş təqdim edilmişdir. Sifarişlərin nominal qiymətlə ümumi məbləği 1 milyon AZN olmuşdur. İstiqrazların nominal qiymətlə yerləşdirilmiş həcmi 1 milyon AZN təşkil etmişdir.

İldə 10,5% gəlir gətirən istiqrazların ödəmə tarixi 3 dekabr 2019-cu ildir.

Xatırladaq ki, bu, Embafinans istiqrazlarının emissiyasının ikinci tranşıdır. Buraxılışın 2 milyon manat məbləğində birinci tranşı cari ilin 8 oktyabr tarixində yerləşdirilmişdir. Beləliklə, emissiyanın ümumi həcmi 3 milyon manata çatıb. Birinci tranş çərçivəsində buraxılan istiqrazların artıq 90% təkrar bazarda satılıb.

Yerləşdirmə üzrə anderrayter AzFinance İnvestisiya Şirkətidir. Təkrar bazarda istiqrazları istənilən şəxs AzFinance İnvestisiya Şirkətinə müraciət etməklə ala bilər. AzFinance istiqrazları fiziki şəxslərə 10,5% gəlirliklə təklif edir. Bu istiqrazların sahibləri hər ay faiz ödənişi əldə edirlər və bu gəlirdən heç bir vergi və əlavə xərcləri olmur. İstiqrazları istənilən zaman satıb gəlirləri ilə birlikdə vəsaitləri geri götürmək mümükündür.

İstiqrazları almaq üçün 050 290 44 88 nömrəsi ilə əlaqə saxlayıb, şəxsiyyət vəsiqəsilə AzFinance İnvestisiya Şirkətinə yaxınlaşmaq lazımdır. Proses çox sadədir. Şəxsiyyət vəsiqəsi təqdim edildikdən sonra, müqavilə bağlanılır və vəsait müştərinin istədiyi banka yerləşdirilir, sonra isə AzFinance və ya Milli Depozit Mərkəzinə köçürülür. İstiqrazlar bir iş günü ərzində alınır və müştəriyə istiqrazların sahibi olduğu barədə sənəd təqdim edilir.

Embafinans haqqında

Embafinans 2012-ci ildən fəaliyyət göstərir və bu illər ərzində 150 mindən çox müştəriyə 160 milyona yaxın kredit verib. Nizamnamə kapitalı 10 milyon manatdır. Ödəmə vaxtı keçmiş kreditlərin cəmi kreditlərdə xüsusi çəkisi cəmi 4,5%-dir. Effektivliyinə (mənfəət/kapital nisbətinə) və kredit portfelinin problemsizliyinə görə ilk 5 bankla müqayisə ediləcək səviyyədədir. Embafinans son 3 ili mənfəətlə fəaliyyət göstərib. 2018-ci ilin 3 rübünün nəticəsinə görə Embafinans 1,5 mln manat mənfəət əldə edib.

Qeyd edək ki, Embafinans mebel və məişət avadanlıqları bazarında bir çox şirkətlərin məhsullarını əsasən də mebel şirkətlərinin məhsullarını kreditləşdirir. Embafinansın hazırda 2-si Bakıda, 4-ü isə regionlarda olmaqla 6 filialı var. Bununla yanaşı Embafinans kreditlərin elektron satışı istiqamətində də böyük nailiyyətlər əldə edib.

Вся лента