Azərbaycanda biznesin kommunal xidmətlərə qoşulma prosedurları sadələşdirildi

12:37 - 27.12.2018


27 dekabr, Fineko/abc.az. Azərbaycan Prezidenti İlham Əliyev mikro, kiçik və orta sahibkarlıq subyektlərinin kommunal xidmətlərə qoşulması prosedurlarının sadələşdirilməsi haqqında fərman imzalayıb.

Fərmana əsasən, qaz təchizatı, su təchizatı və kanalizasiya sistemlərinə qoşulma şərtləri, habelə qaz və suyun keçən həcmində dəyişikliklər və qoşulma nöqtələrinin dəyişdirilməsi şərtləri müəyyənləşdirilmişdir. Bu xidmətlərin dəyəri Nazirlər Kabineti tərəfindən müəyyən ediləcək və bu xidmətlərin texniki şərtləri pulsuz təqdim ediləcək.

Kommunal xidmətlərə qoşulmaq üçün lazımi sənədlər Kiçik və Orta Biznes Evlərində və ASAN Kommunal Mərkəzlərində qəbul ediləcəkdir. ASAN Kommunal mərkəzləri olmayan ərazilərdə sənədlər ASAN xidmət mərkəzlərində qəbul edilir. Bütün müraciətlər 20 gün ərzində göndərilməlidir.

 

Вся лента