Azərbaycanda siqaretlər bahalaşacaq

11.01.2019,13:15


11 yanvar, Fineko/abc.az. Azərbaycanda siqaret və digər tütün məmulatlarının idxalına tətbiq olunan aksiz vergisinin dərəcələri artırılıb.

Nazirlər Kabinetinin qərarına əsasən, siqaret idxalına tətbiq olunan aksiz vergisi 1000 ədəd üçün 10 manatdan 28 manata, siqarillaların  idxalına görə aksiz vergisi 1000 ədəd üçün 10 manatdan 20 manata, siqar idxalına görə aksiz vergisi isə 1 ədəd üçün 1 manata (daha öncə 1000 ədəd üçün 10 manat olmuşdu) qədər artırılıb.

Yeni dərəcələr fevralın 10-da qüvvəyə minəcək.