16:18 - 22.01.2019

---

22 yanvar, Fineko/abc.az. Azərbaycanın Vergilər Nazirliyi hüquqi şəxslərin qeydiyyatını daha da asanlaşdırmağı planlaşdırır.

Vergilər Nazirliyinin Dövlət Qeydiyyatı və Nəzarəti Departamentinin Baş direktoru Ələkbər Məmmədovun sözlərinə görə, Doing Business 2019 reytinqinə əsasən, ölkə “biznes açılışı”  indikatoru üzrə18-1-dən 9-a yüksəlmişdir.

"Sadələşdirmə prosesinin davam etdirilməsi planlaşdırılır və indi hüquqi şəxsin qeydiyyatı 18 manat olan üç prosedurun keçməsini tələb edirsə, bu prosedurların sayını birinə endirmək niyyətindəyik. Hüquqi şəxsin qeydiyyatı təkmilləşdirilmiş Asan İmza və ya elektron imza olmadan FIN kodla həyata keçiriləcəkdir. Proses 20 dəqiqə davam edəcək”, - deyə Ə.Məmmədov bildirib.

2019-cu ilin 1 yanvar tarixi vəziyyətinə görə, Azərbaycanda vergi ödəyicilərinin sayı 970,340 nəfərə çatıb. Onlardan 125 144 nəfəri hüquqi, 845 196 nəfər fiziki şəxsdir. 2018-ci ildə 11 min kommersiya hüquqi şəxs qeydiyyata alınmış, onlardan 70%-i elektron qaydada qeydiyyata alınmışdır.