Qazaxıstan Parlamenti Xəzər dənizinin statusu haqqında Konvensiyanı təsdiqlədi

31.01.2019,10:34


31 yanvar, Fineko/abc.az. Qazaxıstan Parlamentinin Senatının (yuxarı palata) deputatları yanvarın 31-də keçirilən plenar iclas zamanı Xəzər dənizinin hüquqi statusu haqqında Konvensiyanı ratifikasiya ediblər.

Məclisin deputatları (aşağı palata) Konvensiyanın ratifikasiyasını 2018-ci ilin dekabr ayının sonunda təsdiqlədilər. Hazırda  sənəd, imzalanması üçün Qazaxıstan Prezidentinə göndərilir.

Xəzərin hüquqi vəziyyəti haqqında Konvensiya 12 avqust 2018-ci il tarixində Rusiya, Azərbaycan, Qazaxıstan, Türkmənistan və İran başçılarının Aktau görüşündə imzalanıb. Sənəd Xəzər dənizinin, o cümlədən onun sularının, dibinin, yeraltı təbii sərvətlərinin və üzərindəki hava fəzasının  istifadəsi ilə bağlı tərəflərin hüquqlarını və öhdəliklərini  təyin etməyə və tənzimləməyə imkan verir.