12:04 - 6.02.2019

---

6 fevral, Fineko/abc.az. Çin 2018-ci ildə Ümumdünya Ticarət Təşkilatı (ÜTT) çərçivəsində Çin tərəfindən öhdəliklərin pozulmasına dair Birləşmiş Ştatların hesabatına qətiyyətlə qarşı çıxır.

Bu  açıqlama çərşənbə günü Çinin Ticarət Nazirliyin rəsmi internet saytında yerləşdirilmişdi.

“Çin tərəfi, 2018-ci ildə Çinin Dünya Ticarət Təşkilatına üzvlüyü çərçivəsində öhdəliklərin yerinə yetirilməsi üzrə Birləşmiş Ştatların hesabatını diqqətlə incələmişdi. Son dəfə olduğu kimi, sənəd çoxtərəfli ÜTT qaydaları və sazişlərinə deyil, ABŞ daxili qanunvericiliyinə əsaslanır. Çin tərəfi, ÇXR tərəfindən təşkilata üzv olma öhdəliyindən kənara çıxır və heç bir qanuni və faktiki səbəbə malik deyildir. Çin bu cür hesabata qarşı çıxır”, - deyə bəyanatda bildirilir.

Nəşr olunmuş məlumatda qeyd olunduğu kimi, “ÜTT-yə daxil olduqdan sonra Çin bazar iqtisadiyyatının hüquqi sisteminin təkmilləşdirilməsi üzrə öz üzərinə götürmüş öhdəlikləri lazımi səviyyədə yerinə yetirmiş, ticarət siyasətinin şəffaflığını yüksəltmiş,  mallara və xidmətlərə bazarların açılmasına köməklik göstərmiş, əqli mülkiyyət hüquqlarının müdafiəsi üçün hüquqi sistemi daim təkmilləşdirmişdir” . 2018-ci ildə Çin, açıqlıq və şəffaflıq səviyyəsini artıraraq,   mərkəzi və yerli subsidiyaların və 2011-2016-cı illərdə ölkənin kənd təsərrüfatı sektorunun dəstəklənməsi ilə bağlı məlumat vermişdir. 2018-ci ildə ÜTT-də Çin ticarət siyasətinin yeddinci icmalı çərçivəsində  təşkilat üzvlərinin əksəriyyəti müsbət qiymətləndirmə və Çinin çoxtərəfli ticarət sisteminə qatqısını təqdir etmişdir”, - nazirliyin bəyanatında belə deyilir.

Nazirlik vurğulayır ki, 2018-ci ildə ÇXR, ÇXR ilə ÜTT arasındakı münasibətlər haqqında Ağ Kitab nəşr etmişdir ki, burada  Ümumdünya Ticarət Təşkilatına qoşulma öhdəliklərinin praktik yerinə yetirilməsi ilə ətraflı tanışlıq verdi və Çin tərəfinin açıqlıq səviyyəsinin artırılması üçün gələcək hərəkətlərini açıqladı.

Materialda qeyd olunur ki, “Çin çoxtərəfli ticarət sisteminə möhkəm bağlıdır, ÜTT-nin islahatında fəal iştirak edir, birtərəfli hərəkətlər və proteksionizm siyasətinə qarşı qəti şəkildə çıxış edir, iqtisadi qloballaşmanı daha açıq, tolerant, inklüziv, qarşılıqlı faydalı və balanslı inkişafa yönləndirir”.