Efiopiyada baş vermiş təyyarə qəzasından sonra “Boeing”in səhmləri Nyu-York Birjasında 9% düşdü

15:39 - 11 Март 2019

11 mart, Fineko/abc.az. Bazar ertəsi günü Nyu-York Fond Birjasında “Boeing” təyyarə inşaatı konserninin səhmləri, ticarət platformasının məlumatına görə, 8,7% düşərək bir səhmə 386 dollar təşkil edib.

TASS-ın xəbərinə görə, qəzadan sonar  “Ethiopian Airlines” bu laynerin uçuşlarını müvəqqəti dayandırdı. Boeing 737 Max 8 uçuşlarının dayandırılması Çin və Monqolustan səlahiyyətliləri tərəfindən də açıqlandı.

Bu, son beş ayda bu modifikasiyada olan Amerika təyyarələrinin ikinci qəzasıdır. 29 oktyabr 2018-ci il tarixində İndoneziyanın “Lion Air” aviaşirkətinin Boeing 737 Max 8 təyyarəsi, Cakartadan Pankalpinanqa daxili bir uçuş həyata keçirərkən, Yava dənizinə düşmüşdü. Nəticədə 189 nəfər həlak olmuşdu. Bundan sonra, “Boeing” hava daşıyıcılarını xəbərdar etdi ki, uçuş nəzarət sisteminin yanlış göstəricilərinə görə laynerlər kəskin surətdə aşağı enə bilər.