Bakıda güzəştli şərtlərlə 152 mənzil satılıb

28.03.2019,16:45


28 mart, Fineko/abc.az. Mənzil İnşaatı Dövlət Agentliyi (MIDA) Yasamal kompleksində sosial mənzillərin satışının ikinci mərhələsini başa vurdu.

MIDA-nın məlumatına görə, 1-7 binalardakı 174 mənzildən 152-si satıldı.

“Satışa çıxarılan mənzillərdən 37-si birotaqlı, 83-ü ikiotaqlı, 32-si üçotaqlıdır. 34 mənzili sahibləri öz xərcləri ilə, 118 mənzili isə güzəştli ipoteka hesabına əldə etmişlər”, - məlumatda belə deyilir.