12:02 - 26.04.2019

---

26 aprel, Fineko/abc.az. Aprelin 26-dan etibarən Azərbaycan Mərkəzi Bankı (AMB) uçot dərəcəsini endirib.

Mərkəzi Bankın məlumatında deyilir ki, uçot dərəcəsini 9%-dən 8,75%-dək azaltmaq qərarı alınmışdır.

Faiz dəhlizinin aşağı həddi 7%-dən 6,75%-ə, yuxarı həddi isə 11%-dən 10,75%-ə endirildi. Bu qərar 26 aprel tarixində qüvvəyə minmişdir.

AMB-in İdarə Heyətinin sədri Elman Rüstəmov qeyd edib ki, faiz dərəcəsi dəhlizinin parametrləri ilə bağlı qərarlar faktiki və proqnozlaşdırılan inflyasiya səviyyəsinə və risk ssenarilərinin tətbiqinə əsasən davam etdiriləcəkdir.

AMB növbəti dəfə iyunun 7-də iclasda uçot dərəcəsini yenidən nəzərdən keçirmək məsələsinə baxacaq.

Bu, 2019-cu ildə Mərkəzi Bankın uçot dərəcəsinin artıq üçüncü azalmasıdır. Daha əvvəl bildirildiyi kimi, 1 fevral 2019-cu il tarixində AMB uçot dərəcəsini 9,75%-dən 9,25%-dək, 15 mart tarixində isə 9,25%-dən 9%-ə endirmişdir.

12 fevral 2018-ci ildə Azərbaycan Mərkəzi Bankı uçot dərəcəsini 15%-dən 13% endirdi. Aprelin 9-da uçot dərəcəsi 13%-dən 11%-dək azaldıldı. Mərkəzi Bankın 14 iyun tarixli qərarı ilə dərəcə 11%-dən 10%-dək azalmışdır. Bank avqustun 1-də faiz dərəcəsini 10% səviyyəsində saxlamağa qərar verdi. Oktyabrın 30-da dərəcə 10%-dən 9,75%-ə endirildi. 2018-ci il dekabrın 26-da Mərkəzi Bankın İdarə Heyəti idarə heyəti dərəcənin 9,75% səviyyəsində saxlamağa qərar verdi.