Problemli kreditlərlə bağlı ödənişlərin icrası yekun mərhələdədir

14:21 - 27.05.2019


27 may, Fineko/abc.az. Maliyyə Bazarlarına Nəzarət Palatasının idarə heyəti sədri vəzifəsini icra edən İbrahim Alışovun sözlərinə görə, 19 min fiziki şəxs 500 manatdan aşağı kompensasiya məbləğinə sahib olan şəxslərdir.

6 min kart sahibi isə "Azərpoçt"dan öz kartlarını götürməyib: “Ola bilsin ki, həmin vətəndaşlar ya ölkədə yoxdurlar, ya da bu və ya digər səbəbdən vəsaiti götürməyə tələsmirlər. Çünki xeyli sayda vətəndaşımız var ki, onların kompensasiya məbləğləri 20-50 manatdan aşağıdır”.- deyə bildirib.

O qeyd edib ki, problemli kreditlərlə bağlı kompensasiya ödənişlərinin 90 faizdən çoxu icra edilib. Prezident İlham Əliyevin imzaladığı "Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında" Fərmanın icrası yekun mərhələdədir.

 

Вся лента