10:54 - 22.08.2019

---

22 avqust, Fineko/abc.az. Cari ilin yeddi ayında əsas kapitala yönəldilmiş ümumi vəsaitin 48 faizi sənaye, 22,3 faizi isə tikinti sahələrinə sərf olunub.

Bu barədə Dövlət Statistika Komitəsi məlumat veirir.

Qeyd olunur ki, həmin müddət ərzində sözügedən vəsaitin 14,3 faizi nəqliyyat və anbar təsərrüfatı, 3,3 faizi kənd təsərrüfatı, meşə təsərrüfatı və balıqçılıq, 3,1 faizi dövlət idarəetməsi və müdafiə, sosial təminat, 2,4 faizi informasiya və rabitə, 2 faizi təhsil, 1 faizi səhiyyə, 0,8 faizi inzibati və yardımçı xidmətlərin göstərilməsi hər birində 0,6 faiz olmaqla turistlərin yerləşdirilməsi və ictimai iaşə, digər sahələrdə xidmətlərin göstərilməsi, hər birində 0,5 faiz olmaqla ticarət, nəqliyyat vasitələrinin təmiri, peşə, elmi və texniki fəaliyyət, 0,3 faizi istirahət, əyləncə və incəsənət sahəsində fəaliyyət, 0,2 faizi maliyyə və sığorta fəaliyyəti, 0,1 faizi daşınmaz əmlakla əlaqədar əməliyyatlar sahələrinə ayrılıb.