16:06 - 12.08.2020

---

12 avqust, Fineko/abc.az. Avqustun 12-də Bakı Fond Birjasında (BFB) Mərkəzi Bankın (AMB) 50100783S dövlət qeydiyyat nömrəli, 200 milyon AZN həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.

Bu barədə ABC.AZ-a BFB-dən məlumat verilib.

Bildirilib ki, hərrac zamanı 14 investor tərəfindən qiymət intervalı 99.4782 AZN (6.74 faiz) və 99.5158 AZN (6.26 faiz) olan 21 sifariş təqdim edilib. Sifarişlərin nominal qiymətlə ümumi məbləği 629 milyon 353 min 300 AZN olub. AMB-nin qərarına əsasən notların kəsmə və orta ölçülmüş qiyməti 99.5158 AZN (6.26 faiz) müəyyən edilib. Hərrac nəticəsində notların yerləşdirilmiş həcmi 200 milyon AZN təşkil edib. Notlar sentyabrın 9-da ödəniləcək.