13:57 - 16.02.2022

---

16 fevral,  Fineko/abc.az. Ölkəmizin aparıcı maliyyə qurumlarından biri olan Bank Respublika, bank sahəsində olduğu kimi, kapital bazarında da uğurlu fəaliyyətini davam etdirir.

Belə ki, Bankın emissiya etdiyi 15 milyon manat dəyərində olan istiqrazlar Bakı Fond Birjasında (BFB) listinqə daxil edilib və 18 fevral 2022-ci il tarixində rəqabətli hərrac üsulu ilə yerləşdirilməsini planlaşdırılır.

İstiqrazlar haqda ətraflı məlumat:

• Qiymətli kağızın növü - faizli, təmin edilməmiş sənədli adlı istiqrazlar
• Nominal dəyəri – 1.000 AZN
• Sayı – 15.000 ədəd
• İllik faiz dərəcəsi (kupon) - 8,5%
• Faizlərin ödənişi - hər 6 aydan bir
• Tədavül müddəti- 2 il
• Anderrayter – “Paşa Kapital” İnvestisiya Şirkəti

 

“Bank Respublika”nın istiqrazlarını əldə etmək istəyən hər bir şəxs BFB-nin üzvü olan təşkilatlara müraciət edə bilər.

Qeyd edək ki, ötən ilin dekabr ayında “Bank Respublika”nın emissiya etdiyi 10 milyon manat məbləğində istiqrazlar BFB-də uğurla yerləşdirilmişdir. Hərrac zamanı Bankın emissiya etdiyi istiqrazlara investorlar tərəfindən göstərilən böyük maraq nəticəsində hərracda tələb təklifi 30% üstələmişdir.

Bank Respublika 30 illik uğurlu fəaliyyəti ərzində müştərilərinin etimadını qazanaraq ölkə bankları arasında ilk beşlikdə möhkəmlənmişdir. Ötən ilin nəticələrinə əsasən Bank bütün biznes sahələri üzrə dinamik inkişaf göstərmiş və aktivləri 19% artaraq 1,2 milyard manat, məcmu kapitalı 25% artaraq 104,48 milyon manat, xalis mənfəəti isə, 3 dəfə artaraq 19,5 milyon olmuşdur. Bank həmçinin, 2021-ci ildə Moody's beynəlxalq reytinq agentliyi tərəfindən ölkə bankları arasında olan ən yüksək beynəlxalq reytinqlərdən (B3) birini almışdır.

Daha ətraflı məlumatı bankın rəsmi web saytında, facebook, instagram, linkedin səhifələrində və ya Bankın Çağrı Mərkəzinə 144 nömrəsinə zəng edərək əldə edə bilərsiniz.